Բժշկական գիտությունների դոկտորանտ և սննդաբան Յուլիա Չեխոնինան խորհուրդ է տվել ավելի հաճախ շոկոլադ ուտել ուղեղի և սրտի առողջությունը պահպանելու համար:
Նա «Լենտա»-ին տված հարցազրույցում քննարկել է այս աղանդերի օգտակար հատկությունները:
Չեխոնինայի խոսքով՝ կակաոյի հատիկները, որոնցից պատրաստվում է շոկոլադը, պարունակում են ֆլավոնոիդներ: Այս նյութերն ունեն արտահայտված հակաօքսիդանտային ազդեցություն և նաև բարելավում են հիշողությունը, կենտրոնացումը և արձագանքման ժամանակը: Ֆլավոնոիդների գործողության մեխանիզմներից մեկը, ըստ բժշկի, արյան շրջանառության խթանումն է:
«Միկրոշրջանառության ակտիվացումը, իր հերթին, նպաստում է ուղեղի թթվածնով հագեցմանը, ինչը դրական ազդեցություն ունի դրա գործունեության վրա: Արյան շրջանառության կարգավորումը նույնպես բարենպաստ ազդեցություն ունի սրտանոթային ընդհանուր առողջության վրա: Իսկ կակաոյի արտադրանքը, այդ թվում՝ շոկոլադը, չափավոր և կանոնավոր օգտագործման դեպքում, կարող է նպաստել այս գործընթացներին», - պարզաբանել է բժիշկը։
Չեխոնինան խորհուրդ է տվել հիշել, որ չպետք է չարաշահել շոկոլադը, քանի որ այն կակաոյի հատիկներից բացի պարունակում է նաև շաքար: ԱՀԿ-ի առաջարկությունների համաձայն՝ ավելացված շաքարը չպետք է գերազանցի օրական կալորիաների 10 տոկոսը: