Մաշկին դաջվածք անելը կապված է օրգանիզմ օտար նյութի ներթափանցման հետ, որը կարող է առաջացնել իմունային պատասխան։ Մասնավորապես, հնարավոր է, որ սա դառնա քաղցկեղի զարգացման խթան, 360.ru-ի հետ զրույցում զգուշացրել է մաշկաբան Տատյանա Եգորովան։
«Իմունային համակարգն ավելի է լարվում, և սա վատ է։ Կան ուսումնասիրություններ, որոնք ապացուցել են, որ ներկանյութերի պատճառով նույնիսկ քաղցկեղը հնարավոր է։ Որպես բարդություն, բայց հազվադեպ, լինում են կելոիդային սպիներ», - զգուշացրել է բժիշկը՝ նշելով, որ անհնար է նախապես կանխատեսել, թե ինչպես կարձագանքի կոնկրետ մարդու մարմինը ընթացակարգին։
Եգորովան նաև կոչ է արել հաշվի առնել հոգեբանական գործոնը։ Օրինակ՝ դեռահասները, որոնց հոգեկանը դեռևս անկայուն է և հորմոնների ազդեցության տակ են, հաճախ որոշում են դաջվածքներ անել։ Այս տարիքում երիտասարդները հաճախ հակված են իմպուլսիվ գործողությունների, տարիներ անց զղջում են դրա համար և ցանկանում են հեռացնել դաջվածքը։