Հում ձկան և ծովամթերքի, ինչպիսիք են սուշին, սաշիմին, խեցգետինները և այլն, ուտելը կարող է առողջության համար վտանգ ներկայացնել, ասել է բժիշկ Ալեքսանդր Ումնովը «Լենտա»-ին։
«Ամենավտանգավոր հելմինտները Anisacaria ցեղի հելմինտներն են, որոնց թրթուրները կարող են թափանցել ձկան հյուսվածքի մեջ և մտնել մարդու մարմին՝ կուլ տալու ժամանակ, առաջացնելով անիսակիազ։ Եթե դրանք ներթափանցեն մարդու ստամոքս-աղիքային տրակտ, այս թրթուրները կարող են նաև վնասել ստամոքսը և աղիքները, առաջացնել անեմիա, ալերգիկ ռեակցիաներ և նույնիսկ անաֆիլակտիկ շոկ»։ «Կա նաև օպիստորխիազով վարակվելու բարձր ռիսկ, որը առաջանում է Opisthorchis ցեղի որդերի կողմից և կարող է լուրջ բորբոքային պրոցեսներ առաջացնել»,- ասել է Ումնովը։
Ումնովը զգուշացրել է, որ նույնիսկ մասնագիտացված ֆերմաներում բուծված ձուկը միշտ չէ, որ անվտանգ է հում վիճակում ուտելու համար։ Բժիշկը զգուշացրել է, որ բակտերիալ վարակները, ինչպիսին է սալմոնելոզը, կարող են առաջանալ նույնիսկ ձկնաբուծարաններում հիգիենայի կանոնների չնչին խախտման դեպքում։ Բնականաբար, հում ձկան ուտեստ պատվիրելիս հնարավոր չէ իմանա ձկան մշակման, պահպանման և տեղափոխման հիգիենայի պայմանները։