ԱՄՆ նախագահ Դոնալդ Թրամփը կոչ է անում Դաշնային պահուստային համակարգին անհապաղ մեկ տոկոսային կետով իջեցնել տոկոսադրույքները։
Նրա խոսքով՝ սա զգալիորեն կնվազեցնի ԱՄՆ կառավարության պարտքի տոկոսավճարները։
«Սպառողական գների ինդեքսը հենց նոր հրապարակվեց։ Հիանալի թվեր։ Դաշնային պահուստային համակարգը պետք է մեկ ամբողջական կետով իջեցնի տոկոսադրույքները։ Մենք շատ ավելի քիչ տոկոս կվճարենք մարման ժամկետ ունեցող պարտքի համար։ Այնքան կարևո՛ր է», - գրել է ԱՄՆ նախագահը «Truth Social»-ում։