Քթի կաթիլները կարող են ավելի շատ կախվածություն առաջացնել, քան թմրանյութերը, ռուսական Հանրային լրատվական ծառայությանը ասել է վաստակավոր բժիշկ և հեռուստահաղորդավար Ալեքսանդր Մյասնիկովը։
Նա զգուշացրել է, որ կախվածությունը զարգանում է ընդամենը մի քանի օրվա ընթացքում։
«Մենք տարիներ շարունակ նույն բանն ենք ասում. կաթիլներից կարելի է կախվածություն ձեռք բերել, ինչպես թմրանյութերից, միայն ավելի արագ։ Ես չգիտեմ որևէ դեղամիջոց, որից կարելի է կախվածություն ձեռք բերել երեք օրում։ Բայց կաթիլներով դա հեշտ է», - ընդգծել է Մյասնիկովը։
Բժիշկը նշել է, որ նման կախվածությունը կարող է հանգեցնել նրան, որ մարդը չկարողանա նորմալ շնչել առանց սփրեյի։ Նա նաև բացատրել է, որ սփրեյները կարող են սրտի համար խնդիր առաջացնել։