ԱՄՆ նախագահ Դոնալդ Թրամփը հայտարարել է, որ կարող է վերջ դնել Ուկրաինայի հակամարտությանը։ Նա այս հայտարարությունն արել է CBS-ին տված հարցազրույցում։
Լրագրողը հարցրել է ամերիկացի առաջնորդին, թե արդյոք նա հավատում է, որ կարող է լուծել հակամարտությունը մի քանի ամսվա ընթացքում։
«Կարծում եմ՝ կարող ենք, այո», - պատասխանել է Սպիտակ տան ղեկավարը։
Հոկտեմբերի 31-ին Financial Times-ը հայտնել է, որ Թրամփը չեղարկել է Բուդապեշտում Ռուսաստանի նախագահ Վլադիմիր Պուտինի հետ հանդիպումը, այն բանից հետո, երբ Մոսկվան Վաշինգտոնին ուղարկել է հուշագիր, որով պահանջել է կարգավորել ուկրաինական հակամարտությունը։ Ըստ լրատվամիջոցների հաղորդագրությունների՝ Թրամփը «չէր տպավորվել» Ռուսաստանի դիրքորոշմամբ։ Ավելին, ԱՄՆ պետքարտուղար Մարկո Ռուբիոն ամերիկացի առաջնորդին ասել է, որ Մոսկվան պատրաստ չէ բանակցություններ վարել։ Այդ օրը Fox News-ը հաղորդել է, որ ԱՄՆ նախագահի դիրքորոշումը Ուկրաինայի հարցում մտահոգություն է առաջացնում Վաշինգտոնի եվրոպացի դաշնակիցների շրջանում, ովքեր չեն կարողանում կանխատեսել նրա հաջորդ քայլերը։