Գիշերն Ուկրաինան իրականացրել է Ռուսաստանի Կրասնոդարի մարզի վրա ամենաերկարատև և զանգվածային հարձակումներից մեկը, այս մասին հայտարարել է տարածաշրջանի ղեկավար Վենիամին Կոնդրատեւը։
- 6 մարդ վիրավորվել է, 5 մունիցիպալիտետներում վնասվել է առնվազն 20 տուն։
- Գելենջիկի մոտակայքում անտառային հրդեհ է բռնկվել անօդաչու թռչող սարքի բեկորների ընկնելու պատճառով։ Հրդեհը մարվել է։
- Նովոռոսիյսկում անօդաչու թռչող սարքի հարվածից բեռնատար է բռնկվել, վարորդը չի տուժել։ Հրդեհը արագորեն մարվել է։
Ուկրաինան զանգվածային հարված է հասցրել նաև Ռոստովի մարզին։
ԱԹՍ-ները հարձակվել են Տագանրոգի վրա, տեղի բնակիչները հայտնել են պայթյունների մասին։ ԱԹՍ-ի հարվածի հետևանքով մահացել է 3 մարդ, ևս 8-ը՝ վիրավորվել։
Վնասվել են բնակելի շենքեր, տներ, տեղական քոլեջ, մանկապարտեզ, մեքենաներ և առնվազն 2 արդյունաբերական ձեռնարկություն։
Թիրախներից մեկը Բերիեւի անվան ավիացիոն-գիտական համալիրի տարածքն է եղել։ Հարված է հասցվել A-60 թռիչքային լաբորատորիային։ 1 այլ ԱԹՍ հարվածել է «Տու-95ՄՍ» ռմբակոծիչների սպասարկման և արդիականացման համար օգտագործվող անգարին։
Ռուսաստանի ՀՕՊ ուժերը գիշերը խոցել են ուկրաինական 249 անօդաչու թռչող սարք, հայտնել է ՌԴ պաշտպանության նախարարությունը։