Հոկտեմբերի 13-ից 22-ը տեղի ունեցած խուզարկություններից հետո դատարանները որոշում են կայացրել Ռուսաստանի Դաշնությունից ավելի քան 4300 օտարերկրյա քաղաքացիների արտաքսման մասին, հայտնել է ՌԴ Ներքին գործերի նախարարությունը։
Իրավապահ մարմնի տվյալներով՝ գործողության երկու փուլերի ընթացքում գրանցվել է ավելի քան 15700 վարչական խախտում: Ոստիկանությունը տվել է ավելի քան 10000 տուգանք Ռուսաստանի Դաշնությունում կացության կանոնների խախտման և ավելի քան 2100՝ անօրինական աշխատանքային գործունեության համար:
Ներքին գործերի նախարարության տվյալներով՝ անօրինական կերպով միգրանտ աշխատուժ վարձած ավելի քան 1600 գործատուներ ենթարկվել են վարչական պատասխանատվության:
Քննչական մարմինները հարուցել են 748 քրեական գործ ներգաղթի օրենքների խախտման համար, որոնցից 430-ը կապված են եղել կեղծ գրանցման հետ: Գրանցվել են նաև մի շարք քրեական գործեր, որոնք կապված են թմրանյութերի ապօրինի շրջանառության և օտարերկրացիների կողմից կատարված այլ հանցագործությունների հետ։