Ինչպես ավելի վաղ հայտնել էինք, նախագահ Վահագն Խաչատուրյանը հրամանագիր է ստորագրել ՀՀ ԶՈՒ ԳՇ պետի պաշտոնում Էդվարդ Ասրյանին նշանակելու վերաբերյալ։
Նշենք, որ ԳՇ պետի պաշտոնը մոտ հինգ ամիս թափուր է եղել։ Էդվարդ Ասրյանը նախկին ԳՇ պետ Օնիկ Գասպարյանի հայտարարության տակ ստորագրած 44 պաշտոնյաներից մեկն էր:
Ասրյանը մինչ այդ զբաղեցնում էր ՀՀ ԶՈւ ԳՇ օպերատիվ գլխավոր վարչության պետի-ԶՈւ ԳՇ պետի տեղակալի պաշտոնը։
Փետրվարի 25-ին ԶՈւ գլխավոր շտաբի 44 գեներալներ ստորագրել էին հայտարարության տակ՝ պահանջելով վարչապետ Նիկոլ Փաշինյանի հրաժարականը, նրանցից մեկը Ասրյանն էր։
Հիշեցնենք՝ Ազգային ժողովը հուլիսի 7-ին ամբողջությամբ ընդունեց «Պաշտպանության մասին» ՀՀ օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթը, որով ՀՀ զինված ուժերի գլխավոր շտաբի պետն ի պաշտոնե կլինի պաշտպանության նախարարի առաջին տեղակալը:
Նշենք, որ 2022թ-ի փետրվարի 24-ից ՀՀ ԶՈւ ԳՇ պետի պաշտոնը թափուր էր։ Այդ օրը Արտակ Դավթյանը երկրորդ անգամ ազատվեց ԳՇ պետի պաշտոնից։