Ռուսաստանը պաշտպանական կարիքների վրա ծախսում է իր բյուջեի 40%-ը և ազգային եկամտի 10%-ը: Հայտարարել է ՆԱՏՕ-ի գլխավոր քարտուղար Մարկ Ռյուտեն։
Ըստ նրա՝ Ուկրաինայի դաշնակիցներից շատերը համաձայն են, որ Կիեւը պետք է ստանա այն ամենը, ինչ անհրաժեշտ է, որպեսզի երբ սկսվեն խաղաղ բանակցությունները, խոսի «ուժի դիրքերից»։
ՆԱՏՕ-ի ղեկավարն ասել է, որ եթե ՌԴ նախագահ Վլադիմիր Պուտինը հարձակվի ՆԱՏՕ-ի վրա, «արձագանքը կործանարար կլինի», նա «կպարտվի»։
Մարկ Ռյուտեն նշել է, որ լրջորեն է վերաբերվում դանիական հետախուզության հաղորդագրություններին ՆԱՏՕ-ի երկրների վրա ռուսական հնարավոր հարձակման մասին։