Փարիզի օդանավակայանում ծեծկռտուք է եղել, երբ փորձել են քուրդ ակտիվիստին արտաքսել Թուրքիա (տեսանյութ)

Փարիզի օդանավակայանում զանգվածային ծեծկռտուք է տեղի ունեցել, երբ իշխանությունները փորձել են քուրդ ակտիվիստին արտաքսել Թուրքիա։ Հայտնել է Russia Today-ը՝ հղում անելով տեղական լրատվամիջոցներին։

Քրդական բանվորական կուսակցության մոտ 20 կողմնակից հարձակվել է Ֆիրազ Քորքմազին ուղեկցող շարասյան վրա։ Նրանք համոզված են, որ Թուրքիայում նրան խոշտանգումներ ու բանտարկություն են սպառնում։

Շառլ դը Գոլի օդանավակայանի երեք աշխատակից վիրավորվել է, հետաքննությունը շարունակվում է։ Հաղորդվում է, որ ոչ ոք չի ձերբակալվել: Ակտիվիստին ի վերջո վտարել են երկրից։ Թուրքիան Ֆիրազ Քորքմազին ահաբեկիչ է ճանաչում։

Տեսանյութն այստեղ