Երիկամային հիվանդություն ունեցող մարդիկ դատարկ ստամոքսին չպետք է ջուր խմեն։ Ասել է գաստրոէնտերոլոգ Ռուստեմ Սադիկովը «Доктор Питер»-ին։
Սադիկովի խոսքով՝ կարևոր է բավականաչափ ջուր խմել, քանի որ այն պահպանում է ողջ օրգանիզմի առողջությունը, իսկ ձմռանը նվազեցնում է Սուր շնչառական վիրուսով վարակվելու հավանականությունը։ «Չոր լորձաթաղանթները բակտերիաների բազմացման համար իդեալական վայր են»,- բացատրել է բժիշկը։
Ըստ նրա՝ հաճախ բժիշկները խորհուրդ են տալիս առավոտյան դատարկ ստամոքսին մի քանի բաժակ տաք ջուր խմել՝ գիշերվա ընթացքում խտացած արյունը նոսրացնելու, լեղուղիների սպազմը թեթևացնելու և ստամոքսը սկսելու համար։
«Սակայն նման սովորությունը կարող է վնասել որոշ մարդկանց»,- զգուշացրել է Սադիկովը։
Մասնագետն ասել է, որ եթե մարդը երիկամների ու լեղապարկի հետ կապված խնդիրներ ունի, ինչպես նաև արյան բարձր ճնշում, ապա չպետք է մեծ քանակությամբ ջուր խմի դատարկ ստամոքսին։ Առանց բժշկի հետ խորհրդակցելու այս սովորությունը կարող է խորացնել քրոնիկական հիվանդությունները։