Ձմռանը անհրաժեշտ է ուտել ձկան և բանջարեղենային ապուրներ՝ իմունիտետն ամրապնդելու համար: Հորդորել է սննդաբան Ելենա Սոլոմատինան։
Ըստ Սոլոմատինայի՝ առատ խյուսով ապուրները, ինչպես նաև բանջարեղենից, ձկից, սնկից պատրաստված ապուրները բարենպաստ ազդեցություն են ունենում լորձաթաղանթի վրա և ամրացնում իմունային համակարգը։
«Դրանք հատկապես օգտակար են ձմռանը՝ մրսածության ու վիրուսների սեզոնին»,- նշել է սննդաբանը։ Այս ուտեստները պարունակում են հանքանյութեր և մեծաքանակ միկրոտարրեր: Օրինակ՝ ձկան ապուրները հարուստ են ցինկով և A և D վիտամիններով։ Այս նույն միկրոտարրերով հարուստ է նաև դդմի ապուրը։
Մասնագետի խոսքով՝ նաև ձմռանը պետք է ուտել ապուրներ՝ սև և կարմիր պղպեղի և կոճապղպեղի հավելումով։
Նա բացատրել է, որ համեմունքները բարելավում են արյան շրջանառությունը, որն իր հերթին հեշտացնում է սննդանյութերի մատակարարումը:
Սոլոմատինան խորհուրդ է տվել ապուրներին ավելացնել հացահատիկային հաց կամ ձավարեղեն՝ աղիների աշխատանքը բարելավելու համար:
Այս պարզ առաջարկություններին հետևելը, նրա խոսքով, կպաշտպանի վիրուսային հիվանդություններից և կբարելավի մարդու տրամադրությունը: