Բժիշկը զգուշացրել է սովի զգացման հետևում թաքնված լուրջ հիվանդությունների մասին
Ախորժակի ավելացումը միշտ չէ, որ կապված է կամքի ուժի բացակայության հետ, երբեմն դա կարող է լինել առողջական խնդիրների ախտանիշ: Այս մասին KP.RU-ին տված հարցազրույցում խոսել է դիետոլոգ, սննդաբան Դմիտրի Սեմիրյադովը։
«Եթե անընդհատ ուզում եք «ուրախանալ», ուտել շատ քաղցր-յուղոտ-աղի մթերքներ, սուրճ ու խթանիչներ, ձեզ թվում է, որ կորցրել եք վերահսկողությունը, մանրուքները ձեզ նյարդայնացնում են, անպայման դիմեք բժշկի»,- բացատրել է սննդաբանը:
Սեմիրյադովի խոսքով՝ նման նշանները կարող են վկայել, օրինակ, թաքնված դեպրեսիայի, հորմոնալ անհավասարակշռության կամ կարևոր նյութերի պակասի մասին։ Մարդը կարող է նույնիսկ չհասկանալ, որ անկառավարելի ախորժակի պատճառն առողջական վիճակի մեջ է, քանի դեռ չի ստացել ճշգրիտ ախտորոշում մասնագետից։
Սննդաբանը շեշտել է, որ կարևոր է սովորել հաղթահարել բացասական հույզերը։ Սպորտը կամ հոգեբանի հետ աշխատելը կարող են օգնել:
«Գտեք բացասական հույզերը կառավարելու ուղիներ՝ «խափանումների» ռիսկը նվազեցնելու համար: Շատերի համար այս ասպեկտը հիմնարար է»,- հավելել է բժիշկը:
