ԱՄՆ վարչակազմը դիտարկում է ԱՄՆ մի շարք հյուպատոսություններ փակելու հարցը՝ Պետդեպարտամենտի ծախսերը կրճատելու նպատակով, գրել է «NBC News»-ը՝ հղում անելով աղբյուրներին։
Նրանց խոսքով՝ Եվրոպայում, Կանադայում, Մեքսիկայում և Խաղաղ օվկիանոսի կղզիներում հյուպատոսությունները կարող են դադարեցնել գործունեությունը։
Հեռուստաալիքի զրուցակիցները հայտնել են, որ ԱՄՆ նախագահ Դոնալդ Թրամփը ուսումնասիրել է հյուպատոսությունների ցանկը, սակայն վերջնական որոշում դեռ չի կայացվել, հայտնի չէ նաեւ դրանց փակման հնարավոր ժամկետները։
Պետքարտուղարությունը վերանայում է որոշ հյուպատոսություններ, այդ թվում՝ գնահատելով դրանց «դիվանագիտական անհրաժեշտությունը»։
Պետքարտուղարության պաշտոնյաները նաև դիտարկում են կառավարության գործունեության լրացուցիչ տեսակներ, որոնք կարող են իրականացվել հյուպատոսություններում, ինչպիսիք են «այլ երկրների հետ ռազմական շփումներն ու հետախուզության հավաքումը»:
Եվրոպայում հյուպատոսությունների մեծ մասը, որոնք կարող են վտանգի տակ լինել, Գերմանիայում և Ֆրանսիայում են։ Պետքարտուղարությունն արդեն հյուպատոսություններից տեղեկատվություն է խնդրել գործունեության մասին։
Ամերիկյան գերատեսչությունը պաշտոնապես չի մեկնաբանել այս տեղեկությունը։