Գյումրիում զանգվածային անկարգություններին մասնակցելու, պաշտոնատար անձի օրինական ծառայողական կամ քաղաքական գործունեությանը միջամտելու և արդարադատության իրականացմանը կամ գործի քննությանը միջամտելու հատկանիշներով նախաձեռնված քրեական վարույթի նախաքննության շրջանակներում համայնքապետարանի շենքում կատարվում են քննչական գործողություններ, այս մասին Mediahub-ին հայտնեցին Քննչական կոմիտեից։
Համայնքապետ Վարդան Ղուկասյանն այսօր 2 ամսով կալանավորվել էր։
Երեկ առավոտյան ուժայինները ներխուժել էին Գյումրու համայնքապետարան ու բերման ենթարկել Վարդան Ղուկասյանին։ Հակակոռուպցիոն կոմիտեն հայտնել էր, որ 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։
Ղուկասյանը չի ընդունում մեղադրանքը։ Ընդդիմությունը սա որակում է որպես քաղաքական հետապնդում։
Էմմա Մարտիրոսյան