Քանի՞ վիրավոր է տեղափոխվել հիվանդանոց Գավառ-Երևան երթուղայինի վթարից հետո
Քիչ առաջ մամուլում լուրեր տարածվեցին, որ վթարի է ենթարկվել Գավառ-Երևան երթուղայինը, որում 14 ուղևոր է եղել։
Ո՞րն է եղել վթարի պատճառը․ MediaHub-ը փորձեց ճշտել՝ զրուցելով Գեղարքունիքի մարզպետ Կարեն Սարգսյանի հետ։
Նրա խոսքով՝ գազելը հայտնվել է շղթայական ավտովթարի մեջ։
«Երկու ուղևոր մարմնական վնասվածքով տեղափոխվել է հիվանդանոց, մյուս ուղևորներին որևէ բան չի եղել»,- ասաց Սարգսյանը։
Դիտարկմանը, որ լուրեր կան, թե գազելն անսարք է եղել, Կարեն Սարգսյանը կտրուկ արձագանքեց՝ բացառվում է, որ անսարք մեքենան դուրս գար երթուղի։
Նարե Գնունի
