Բժիշկները խորհուրդ են տվել ամեն օր պնդուկ ուտել․ ահա դրանց օգուտները

Մարդու մարմնի ամենակարևոր հանքանյութերից մեկը մագնեզիումն է: Այնուամենայնիվ, այս տարրը գալիս է միայն սննդի հետ, ուստի դրա պակասը հաճախ է առաջանում: Մագնեզիումի պակասի դեպքում խնդիրներ են սկսվում կալցիումի կլանման հետ, խանգարվում է սրտի ռիթմը, առաջանում են մկանային ջղաձգումներ, սրտխառնոց և հոգնածություն։ Ինչպես գրում է թուրքական Sabah հրատարակությունը՝ վկայակոչելով բժիշկներին, մագնեզիումի ձեր ամենօրյա պաշարները կարող եք համալրել մեկ մթերքի օգնությամբ։

Խոսքը պնդուկի մասին է: Բավական է օրական ընդամենը տասը ընկույզ ուտել։ Սննդակարգում պնդուկի կանոնավոր առկայության շնորհիվ առողջական այլ խնդիրներ կարող են լուծվել։ Այս ընկույզները շատ հարուստ են կալցիումով, կալիումով, երկաթով և սելենով, ինչպես նաև ֆենոլներով, հակաօքսիդանտներով և E և C վիտամիններով: Վերջիններս ապահովում են առողջ մաշկը:

«Պնդուկի մեջ պարունակվող ֆենոլային միացությունները կանխում են վաղաժամ ծերացումը՝ պաշտպանելով մաշկը արևի ճառագայթների վնասակար ազդեցությունից։ Ֆենոլները նույնպես շատ արդյունավետ են պզուկների բուժման համար, իսկ հակաօքսիդանտներն ու վիտամին E-ն մաշկին փայլ են հաղորդում»,- ասվում է հրապարակման մեջ։

Պնդուկը նպաստում է լավ մարսողությանը։ Այս ընկույզները սննդային մանրաթելեր են պարունակում, որոնք մեծացնում են աղիներում օգտակար բակտերիաների քանակը։