MediaHub-ի արցախյան աղբյուրները հայտնում են, որ թեև նոյեմբերի սկզբին Ռուբեն Վարդանյանը կնշանակվի Արցախի պետական նախարար, սակայն այս պահին դեռ պարզ չի, թե հեռացող նախարարը՝ Արտակ Բեգլարյանը, որ պաշտոնին կնշանակվի:
Մեր աղբյուրի խոսքով՝ այս պահին նրա ապագա պաշտոնի մասով հստակություն չկա, բացի նրանից, որ Արտակ Բեգլարյանն առանց պաշտոնի չի մնա:
Ավելի վաղ շրջանառվում էր, որ Բեգլարյանը, հնարավոր է, նշանակվի Արցախի ԱԳ նախարար: Սակայն Արցախից մեզ հայտնեցին, որ դա քննարկվող տարբերակներից մեկն է, բայց ոչ վերջնական:
Ավելի վաղ Արտակ Բեգլարյանը հայտարարել էր, որ պետնախարարի պաշտոնում Ռուբեն Վարդանյանի նշանակումը «այս իրավիճակում շատ պահանջված ու իմաստուն որոշում է», որին ինքն անվերապահորեն աջակցում է:
Լիաննա Թորոսյան