ՌԴ ԱՊՀ գործերի, եվրասիական ինտեգրման և հայրենակիցների հետ կապերի հանձնաժողովի նախագահ Կոնստանտին Զատուլինը ԱԳ նախարար Արարատ Միրզոյանին հրավիրել է մասնակցելու Լազարևյան ակումբի հանդիպմանը։
Թե ինչ է որոշել Միրզոյանը՝ MediaHub.am-ը փորձեց ճշտել ԱԳՆ-ից։ Սակայն ՀՀ ԱԳՆ մամուլի խոսնակ Վահան Հունանյանի հետ կապ հաստատել չստացվեց, վերջինս երկրում չէ։
Իսկ նախարարության մամուլի բաժնից էլ փոխանցեցին, թե հարցին կարող են գրավոր տարբերակով պատասխանել։
Կոնստանտին Զատուլինի մուտքը ՀՀ արգելվել է, վերջինս երեկ է տեղեկացել այդ որոշման մասին։ Չնայած այս ամենին՝ հոկտեմբերի 28-29-ին Երևանում կանցկացվի Լազարևյան ակումբի հերթական նիստը, որի նախագահողը պետք է Զատուլինը լիներ։ Ավելի վաղ MediaHub֊ին ակումբից հայտնել էին, որ ռուս գործընկերները նիստին կմասնսկցեն օնլայն ձևաչափով։
Լիաննա Թորոսյան