Ermenihaber.am-ի փոխանցմամբ՝ 2023 թվականի հունվարի 8-ից մինչև փետրվարի 2-ը, ՀՀ սահմանակից Թուրքիայի արևելյան Կարսի նահանգում թուրքական զինված ուժերը 8 այլ երկրների մասնակցությամբ իրականացնում են լայնամասշտաբ զորավարժություններ:
Զորավարժությունների նպատակն է կազմակերպել զինվորների ուսուցանում տեղակայման, սննդի սպասարկման, հագուստի կրման, ձյան պայմաններում կրակ վարելու և մանևր իրականացնելու թեմաներով:
Զորավարժությունների նպատակների թվում է նաև համատեղ գործողություններում համագործակցության և համակարգման ապահովումը, զորքերի մարտական հմտությունների փորձարկումը։
Այս մասին տեղեկացրել է մասնակից երկրներից Կոսովոյի պաշտպանության նախարար Արմենդ Մեհաջը։