Վիետնամական VnExpress թերթը՝ վկայակոչելով Վիետնամի իշխող կուսակցության կենտրոնական կոմիտեի հայտարարությանը, տեղեկացնում է, որ Վիետնամի նախագահ Նգուեն Սուան Ֆուկը հրաժարական է տվել։
«Նախագահը պատասխանատու էր նրա համար, որ մի քանի պաշտոնյաներ, այդ թվում երկու փոխվարչապետեր եւ երեք նախարարներ թույլ են տվել խախտումներ, որոնք հանգեցրել են ծանր հետեւանքների։ Երկու փոխվարչապետեր հեռացել են իրենց պաշտոններից, իսկ երկու նախարարներին եւ եւս մի քանի պաշտոնյաներին քրեական մեղադրանքներ են ներկայացվել։ Հստակ գիտակցելով իր պատասխանատվությունը՝ Ֆուկը որոշել է հեռանալ իր բոլոր պաշտոններից», - նշում է թերթը։