Ո՞րն է քնելու ամենավատ ժամանակահատվածը․ ինչո՞վ է վտանգավոր
Առավոտյան ժամը երեքից չորսը ընկած ժամանակահատվածը քնելու ամենավատ ժամանակահատվածն է: Ասել է վիրաբույժ Կարան Ռաջը HuffPost-ին։
Ռաջը նշել է, որ եթե մարդը հետևում է ռեժիմին, քնելու ժամանակը մեծ նշանակություն չունի։ Նա միակ բացառությունը համարում է առավոտյան ժամը երեքից չորսը ընկած ժամանակահատվածը։ «Անկախ ձեր կենսաբանությունից՝ քունն ավելի դժվար կլինի, և դուք ավելի քիչ խորը, դանդաղ քուն կզգաք»,- զգուշացրել է բժիշկը:
Ռաջի խոսքով՝ վաղուց հայտնի է, որ գիշերային քունը բաղկացած է մի քանի ցիկլից, որոնցից յուրաքանչյուրը տևում է 90 րոպե։ Ավելին, բոլոր ցիկլերը տարբերվում են միմյանցից, քանի որ դրանք պարունակում են արագ ու դանդաղ քնի հարաբերակցություն։ «Սկզբում գերակշռում է ավելի խորը, ավելի վերականգնող դանդաղ ալիքային քունը: Առավոտյան մոտ դուք ընկնում եք թեթև, երազներով լի քնի մեջ»,- ասել է նա:
Ռաջը հավելել է, որ մարմինը գիտի, թե ինչպես հարմարվել ժամանակացույցի փոփոխություններին։ Այնուամենայնիվ, ցանկացած տեսակի քնի քրոնիկ պակասի դեպքում մեծանում է քաղցկեղի և սրտանոթային հիվանդությունների զարգացման ռիսկը:
