17-ամյա աղջկան ահաբեկչության փորձի համար տեղափոխել են հոգեբուժարան․ մանրամասներ

Լիպեցկի մարզի Դանկովոյում 17-ամյա ուսանողը ցանկացել է հրկիզել զինկոմիսարիատն ու հայտնվել է հոգեբուժարանում։ Այս մասին հայտնել է SHOT տելեգրամյան ալիքը։

Հետաքննության տվյալներով՝ Դանկովսկու անվան ագրոարդյունաբերական քոլեջի առաջին կուրսի ուսանողուհին ինքնուրույն մի քանի մոլոտովի կոկտեյլ է պատրաստել Կառլ Մարքսի փողոցի վրայի զինկոմիսարիատի շենքը հրկիզելու համար, սակայն չի կարողացել իրականացնել իր մտադրությունը։ Քննիչները եկել են նրան խուզարկելու և առգրավել դյուրավառ հեղուկով շշեր։ Կասկածյալը բերման է ենթարկվել։

Քննիչները նրա դեմ քրեական գործ են հարուցել ահաբեկչություն նախապատրաստելու հոդվածով։ Նրան սպառնում է մինչև 15 տարվա ազատազրկում։ Այժմ աղջիկը մարզային հոգեբուժարանում է։

Baza տելեգրամյան ալիքը հայտնել է, որ մեղադրյալը «Կոլումբայն» շարժման (Ռուսաստանում արգելված ահաբեկչական կազմակերպություն) հետևորդներից է։