Մեծ Բրիտանիայի վարչապետ Բորիս Ջոնսոնը եւ նրա կինը՝ Քերին, փոխում են իրենց նախապես ծրագրված հարսանեկան խնջույքի վայրը, հայտնում է Reuters լրատվական գործակալությունը։
The Mirror թերթը, իր հերթին, նշել է, որ Ջոնսոնը, ով հայտարարել է իր հրաժարականի մասին, ցանկանում էր մի քանի ամիս մնալ պաշտոնում, քանի որ ամուսնությունը նշելու կապակցությամբ ծրագրում էր երեկույթ կազմակերպել Չեկերսում գտնվող իր պաշտոնական նստավայրում այս ամսվա վերջին:
Անանուն աղբյուրն ասել է, որ հարսանեկան խնջույքը չի կայանա: Նա նշել է, որ վարչապետը պարտքի մեծ զգացում ունի եւ կշարունակի պաշտոնավարել, քանի դեռ փոխարինող չի նշանակվել:
Հայտնի է, որ, բացի Լոնդոնի Դաունինգ սթրիթ 10 հասցեում գտնվող իրենց պաշտոնական նստավայրից, բրիտանացի վարչապետներն ավանդաբար օգտագործում էին Չեկերսը՝ 16-րդ դարի անգլիական ամառանոցը, որպես մասնավոր հանգստավայր, համաշխարհային առաջնորդներին հյուրընկալելու վայր եւ երբեմն երեկույթներ:
Հիշեցնենք, որ Բորիս Ջոնսոնն ամուսնացել էր անցյալ տարի՝ 34-ամյա Քերիի հետ՝ համեստ, գաղտնի արարողությամբ: Զույգի հարսանիքը նախատեսված էր հուլիսի 30-ին: