ԱՄՆ-ի օդագնացության և տիեզերագնացության ազգային վարչությունը (NASA) հայտարարել է, որ Ռուսաստանը միջազգային տիեզերակայանն օգտագործում է քաղաքական նպատակներով՝ «Ուկրաինայում ռազմական հատուկ գործողությանն աջակցելու համար», հայտնում են The Washington Post-ը և Ars Technica մասնագիտացված ինտերնետային հարթակը։

«NASA-ն խստորեն դատապարտում է Ռուսաստանի կողմից Միջազգային տիեզերական կայանը իր քաղաքական շահերին ծառայեցնելու փաստը՝ Ուկրաինայում հատուկ ռազմական գործողությանն աջակցելու նպատակով։ Դա արմատապես հակասում է կայանի հիմնական նշանակությանը․ 15 երկրների մասնակցությամբ գիտության ու տեխնոլոգիաների զարգացում՝ խաղաղ նպատակներով»,- հայտարարել է ԱՄՆ-ի օդագնացության և տիեզերագնացության ազգային վարչությունը։

NASA-ի հայտարարությունը տարածած լրատվամիջոցների համաձայն՝ մտահոգության պատճառը հուլիսին ռուս տիեզերագնացների կողմից Միջազգային տիեզերակայանում Լուգանսկի և Դոնեցկի Ժողովրդական Հանրապետությունների դրոշների ծածանումն է։