Տիգրան Ավինյանը հանդիպել է Երևանի ավագանու երեք խմբակցությունների հետ։ Շրջանառվող լուրը MediaHub.am-ի հետ զրույցում հաստատեց Երևանի ավագանու «Լույս» խմբակցության ղեկավար Դավիթ Խաժակյանից։
Նշենք, որ Տիգրան Ավինյանի՝ փոխքաղաքապետի պաշտոնում նշանակվելու հարցը կընդգրկվի ավագանու առաջիկա նիստի օրակարգում։
«Որպես քաղաքապետի տեղակալ ներկայացրեց իր պլանները, այն ոլորտները, որ պետք է համակարգի, հիմնական քննարկումն այս ամենի շուրջ է եղել։ Սա, ըստ էության, որպես քաղաքապետի տեղակալի խմբակցության հետ պաշտոնական, աշխատանքային հանդիպում էր կայանալիք ավագանու նիստին ընդառաջ։ Առանձնահատուկ բան տեղի չի ունեցել»,-փոխանցեց Խաժակյանը։
Նա նաև ասաց, որ «Լույս» խմբակցությունը դեռ միասնական որոշում չունի Տիգրան Ավինյանի թեկնածության քվեարկության շուրջ, բայց, ամեն դեպքում, դեմ չեն քվեարկի։
Լիաննա Թորոսյան