Պիտի ամուր նյարդեր ունենանք ու համբերատար տանենք․ ՔՊ-ականը՝ Ադրբեջանի գործողությունների մասին
Իրավիճակը բարդ է իրականում. ադրբեջանցիները նաեւ անցակետ տեղադրեցին կամրջի վրա, և ես կարծում եմ, որ Ադրբեջանը փորձում է ապակայունացնել վիճակը․ MediaHub-ի հետ զրույցում ասաց ԱԺ ՔՊ խմբակցության պատգամավոր Վիգեն Խաչատրյանը՝ խոսելով Արցախի այն 4 գյուղերի մասին, որոնց ճանապարհները դեպի Լեռնային Ղարաբաղ եւ Հայաստանի Հանրապետություն ադրբեջանցիները 2 օր առաջ փակեցին։
Այս գյուղերը լիակատար շրջափակման մեջ են։ Հայաստանի իշխանությունները, ըստ Վիգեն Խաչատրյանի, հռչակել են իրենց քաղաքականությունը, առ այն, որ պետք է հնարավորինս շատ գործի դնեն միջազգային կապերն ու քաղաքական ճնշումները։
«Մենք այս կերպ պետք է փորձենք հաղթահարել այդ բարդությունները։ Իմ կարծիքով, պետք է դրսեւորվի հետեւողական աշխատանք ու համբերություն, իհարկե։ Որեւէ արկածախնդրություն կարող է բերել ավելի բարդ իրավիճակի։ Ես կարծում եմ առայժմ պետք է խուսափել ռազմական բախումներից եւ խնդիրները լուծել ավելի շատ քաղաքական ճանապարհներով»-ասաց Խաչատրյանը։
Մանրամասն՝ տեսանյութում:
Լիա Սարգսյան
