Հալվա՝ որքանո՞վ է այն օգտակար մարդկանց համար և ու՞մ է հակացուցված
Եթե մի քիչ հալվա եք ուտում, ապա դա իսկական սուպերմթերք է՝ պարունակում է բջջանյութ, B խմբի վիտամիններ, մագնեզիում և պոլիչհագեցած թթուներ։
Իհարկե, հալվան դեղամիջոց չէ, բայց հաճելի է իմանալ, որ այն նաև օգուտներ ունի: Սերմերը և ընկույզները սննդանյութերի պահեստ են: Արևածաղկի հալվան հարուստ է վիտամին E-ով։ Դրա հակաօքսիդանտ հատկությունները դրական են ազդում մաշկի և մազերի վրա։ Քնջութը պարունակում է մեծ քանակությամբ կալցիում, մագնեզիում և ֆոսֆոր։
Բացի այդ, B խմբի վիտամինները նորմալացնում են նյարդային համակարգի աշխատանքը, բարելավում են տրամադրությունը և օգնում են հաղթահարել սթրեսը: Ֆոլաթթուն (վիտամին B9) նպաստում է նեյրոհաղորդիչների արտադրությանը, այդ իսկ պատճառով այն հաճախ անվանում են «լավ տրամադրության վիտամին»։ Այն կարող է օգնել պահպանել հոգե-հուզական հավասարակշռությունը, հաղթահարել սթրեսը և բարելավել քնի որակը:
Հալվան, իհարկե, առողջ մարդուն լուրջ վնաս չի պատճառի։ Բայց ուտելն ավելի լավ է չափի մեջ: Քանի որ բաղադրությունը հաճախ պարունակում է քնջութ, արևածաղիկ կամ գետնանուշ, հալվան կարող է ծանր ալերգիկ ռեակցիաներ առաջացնել անհանդուրժողականություն ունեցող մարդկանց մոտ: Ընկույզի ալերգիան ամենատարածված և վտանգավորներից է, ուստի ավելի լավ է համոզվել, որ դուք այդպիսի ալերգիա չունեք:
