Կիևը պետք է գործի, քանի դեռ Մոսկվան «լուրջ տնտեսական խնդիրների մեջ է», - գրել է ԱՄՆ նախագահ Դոնալդ Թրամփը իր TruthSocial սոցիալական ցանցում։
«(Ռուսաստանի նախագահ Վլադիմիր) Պուտինը և Ռուսաստանը լուրջ տնտեսական խնդիրների մեջ են, և հիմա Ուկրաինայի համար գործելու ժամանակն է։ Ամեն դեպքում, ես մաղթում եմ լավագույնը երկու երկրներին էլ», - հայտարարել է ամերիկացի առաջնորդը։
Նա հավելել է, որ Վաշինգտոնը կշարունակի զենք մատակարարել ՆԱՏՕ-ի երկրներին, որոնք կօգտագործեն այն իրենց հայեցողությամբ, այդ թվում՝ Կիևի համար։
Սեպտեմբերի 23-ին Թրամփը հանդիպել է Ուկրաինայի նախագահ Վլադիմիր Զելենսկու հետ։ Հանդիպման ընթացքում ամերիկացի առաջնորդը հայտարարել է, որ ուկրաինական հակամարտությունը կարող է երկար տևել և նշել է Ռուսաստանի զգալի ռազմական հզորությունը։ Նա նաև հրաժարվել է հստակ պատասխան տալ Կիևի անվտանգության երաշխիքների հարցին։