ԱՄՆ նախագահ Դոնալդ Թրամփը ցանկանում է 100% մաքսատուրք սահմանել Միացյալ Նահանգներից դուրս նկարահանված բոլոր ֆիլմերի համար։
«Մեր կինոարտադրության բիզնեսն ԱՄՆ-ից գողացվել է այլ երկրների կողմից, ինչպես «երեխայից քաղցրավենիքը»։ Կալիֆոռնիան՝ իր թույլ և անգործունակ նահանգապետով, հատկապես ծանր է տուժել։ Հետևաբար, այս երկարատև և անվերջանալի խնդիրը լուծելու համար ես 100% մաքսատուրք կսահմանեմ Միացյալ Նահանգներից դուրս նկարահանված բոլոր ֆիլմերի համար։ Շնորհակալություն այս հարցի նկատմամբ ձեր ուշադրության համար։ ԱՄԵՐԻԿԱՆ ԿՐԿԻՆ ՄԵԾ ԴԱՐՁՆԵՆՔ»,- գրել է նախագահը։