Ի՞նչ ուժեղացված ծառայություն էր իրականացնում ոստիկանությունը երեկ Երևանում
Երեկ ՆԳ նախարարության ոստիկանության ծառայողները «ռեյդ» էին իրականացնում մայրաքաղաքի մի շարք փողոցներում։ Դրանից հետո տեղեկություն տարածվեց, որ մի շարք անձինք բերման են ենթարկվել։ ՆԳՆ-ից մեզ ասացին 26 անձ է ձերբակալվել։
MediaHub-ն այսօր ՆԳ փոխնախարար Արփինե Սարգսյանից հետաքրքրվեց, թե ի՞նչ գործողություն էին իրականացնում ոստիկանները երեկ Երևանի կենտրոնում, և ո՞րն էր նպատակը։
«Պարբերաբար ոստիկանությունը՝ քրեական ոստիկանությունը, համայնքային ոստիկանությունը կամ պարեկային ծառայությունը ուժեղացված ծառայություն են իրականացնում իրավախախտ վարորդներին հայտնաբերելու նպատակով կամ ապօրինի զենք-զինամթերքի կասկածանքի հիման վրա անձանց բերման ենթարկելու և դրանք հայտնաբերելու ուղղությամբ։ Սրանք պրոֆիլակտիկ աշխատանքներ են, որոնք պարբերաբար իրականացվում են, որևէ արտառոց միջամտություն կամ դրվագ չկա, ստանդարտ պրոցես է»,- ասաց Արփինե Սարգսյանը՝ նշելով, թե շոու չէր դա, և որ շոուն դժվար ոստիկանության տրամաբանության մեջ լինի։
Մանրամասն՝ տեսանյութում
