Բանակցությունների ոչ թե ձևն ու ֆորմատն է կարևոր, այլ բովանդակությունը։ Բանակցությունների հարթակ փոխելով՝ Ադրբեջանը խուսափում է բանակցություններից։ Այս մասին այսօր ԱԺ-ում ճեպազրույցների ժամանակ ասաց «Քաղաքացիական պայմանագիր» խմբակցության պատգամավոր Սարգիս Խանդանյանը։
Հարցին՝ ՌԴ-ին դուրս են մղո՞ւմ բանակցություններից, արդեն պատասխանեց ՔՊ խմբակցության քարտուղար Արթուր Հովհաննիսյանը։
«Մենք որևէ մեկին որևէ տեղից դուրս չենք մղում։ Եթե գործընթացների ընթացքում ինչ-որ գործընկերներ, ու ուժեր դուրս են մղվում կամ չեն մասնակցում որևէ խոսակցություններին, դա դեռ չի նշանակում, որ մենք դուրս ենք մղում։ ՀՀ-ի համար գոյություն ունեն սկզբունքներ, որոնցից մենք չենք շեղվելու, այդ սկզբունքների հիման վրա կան տեղի ունեցած խոսակցություններ։ ՀՀ-ն շարժվում է իր սեփական շահերով։ Թե այդ ընթացքում որ կողմն է դուրս մղվում, սա լրիվ այլ կոնտեքստում քննարկվող հարց է»,- ասաց Հովհաննիսյանը։
Մանրամասները՝ տեսանյութում