Ոստիկանության տիրույթում է, ամեն դեպքում քաղաքապետարանը որևէ կապ չունի ձիերին այդ կերպով շահագործելու հետ։ Այս մասին այսօր MediaHub.am-ին փոխանցեց Գյումրի համայնքի ղեկավարի մամուլի քարտուղար Սոնա Առաքելյանը։
Հիշեցնենք, որ սոցցանցերում տարածվում են լուսանկարներ, որտեղ երևում է, թե ինչպես են Գյումրու հայտնի ֆայտոնների ձիերից մեկին բաց վերքով, վնասվածքով շահագործում։
Սոնա Առաքելյանը փոխանցեց, որ ֆայտոնի տերը որևէ կազմակերպության հետ չի համագործակցում։
«Մեր պաշտոնյաները, քիչ առաջ էլ քաղաքապետի խորհրդականը զրուցել են այն անձի հետ, որը շահագործում է ձիուն։ Խոսել են, զգուշացրել են, հորդորել են, որ կենդանուն այդ վիճակում չշահագործեն, պայմանավորվածության են եկել։ Սակայն առավել մանրամասները ոստիկանությունը կարող է տալ»,-ասաց նա։
Լիաննա Թորոսյան