Ինչո՞ւ են զուգընկերները բաժանվում․ հոգեբանը 4 պատճառ է նշել
Կլինիկական հոգեբանության պրոֆեսոր Սյուզան Սաութը նշել է զույգերի հարաբերություններում չորս ոչ ակնհայտ նշաններ, որոնց ապտճառով կարող են բաժանվել, չնայած սիրում են միմյանց։
Նա այս թեմայի շուրջ խոսել է Business Insider-ի հետ։
Սաութը պարզաբանել է, որ անհամատեղելիությունը պարտադիր չէ, որ հանգեցնի անմիջապես բաժանման, սակայն երբեմն տարաձայնությունները պատճառ են դառնում անվերջ դիմակայության։
Հոգեբանի կարծիքով՝ եթե զույգերը միասին երջանիկ են համատեղ քառորդ ժամանակով, իսկ մնացած ժամանակ կռվում են, դա երկարաժամկետ հեռանկարում լավ բան չի խոստանում:
Սաութը որպես երկրորդ տագնապալի ազդանշան ճանաչեց գործընկերների՝ միմյանց հետ անկեղծ լինելու դժկամությունը: Նրա խոսքով, նորմալ է անձնական սահմանները պաշտպանելն ու որոշ մտքեր ու իրադարձություններ պահել քեզ համար: Բայց եթե հարաբերություններում չկա վստահություն, իսկ ճշմարտությունը բացասական արձագանք է առաջացնում զուգընկերոջ կողմից, ապա, ըստ հոգեբանի, սա մոտալուտ բաժանման ակնհայտ նշան է։
Մասնագետն անհամատեղելիության երրորդ նշանը համարում է զուգընկերոջն «ավելի լավը» դարձնելու ցանկությունը։ Ամենից հաճախ նման հարաբերություններում մարդիկ պարզապես հոգնում ու հիասթափվում են միմյանցից։
«Բացի այդ, ժամանակի ընթացքում մեկ կամ երկու գործընկերները կարող են փոխել իրենց կյանքի նպատակներն ու համոզմունքները»,- շարունակել է Սաութը:
Հոգեբանը նշել է, որ նման փոփոխությունները սովորաբար լինում են հիվանդության, անձնական ճգնաժամի կամ կյանքի որոշակի հանգամանքների ընթացքում։
Նրա կարծիքով՝ նման հարաբերությունները կարող են պահպանվել, եթե զուգընկերները կարողանան ընդունել միմյանց նոր իրականությունը և հարմարվել դրան:
