Ինչպե՞ս նվազեցնել ալերգիայի հետևանքները․ մասնագետների խորհուրդը
Ալերգիայով տառապողները կարող են նախապես պատրաստվել ծաղկման սեզոնին և նվազեցնել ծաղկափոշու նկատմամբ իրենց արձագանքի ինտենսիվությունը։ Այս մասին U.S. News-ի հետ զրույցում խոսել են ամերիկացի ալերգոլոգներ Նանա Միրեկուն և Ռաչնա Շահը։
Մասնագետները կարծիքով՝ ալերգիայի դեմ արդյունավետ պայքարելու համար նախ պետք է պարզել ախտանիշները հրահրող գործոնը: Միրեկուն պարզաբանել է, որ սկզբում ծառերը ծաղկում են, հետո փոշոտվում են խոտերը, իսկ ամառվա վերջում կամ վաղ աշնանը հերթը հասնում է մոլախոտերին, օրինակ՝ որդանմանը կամ քինոային։ Բժիշկը նշել է, որ ալերգենը կարելի է ճանաչել հատուկ թեստերի միջոցով, սակայն դժվարությունն այն է, որ շատ մարդիկ ալերգիա ունեն միանգամից մի քանի բույսերի նկատմամբ։
Շահը խորհուրդ է տվել փակ պահել տան և մեքենայի պատուհանները, երբ սկսվում է ծաղկման շրջանը, իսկ տուն վերադառնալուց հետո անմիջապես հանել դրսում կրած հագուստը և լվանալ դրանք։ «Առանց դեղատոմսի վաճառվող քթի սփրեյները կարող են օգնել թեթեւացնել ախտանիշները, սակայն դրանք որոշ ժամանակ են պահանջում, որպեսզի սկսեն գործել, ուստի ավելի լավ է սկսել դրանք օգտագործել արդեն մարտ ամսից»,- ասել է ալերգոլոգը:
Ըստ Շահի՝ հակահիստամինները կարող են նվազեցնել խոտի տենդի ախտանիշները, սակայն դրանք կարող են օգտագործվել միայն բժշկի հետ խորհրդակցելուց հետո: «Եթե նմանատիպ դեղամիջոցը դադարում է օգնել, նա խորհուրդ տվեց այն փոխարինել անալոգով»,- ընդգծել է նա։
Նրա խոսքով՝ այս մեթոդի արդյունավետության վերաբերյալ գիտական ապացույցներ չկան, սակայն գործնականում այն հաճախ աշխատում է։