Կուլեբան հայտարարել է ԵՄ-ին միանալու Կիևի ցանկության մասին՝ չնշելով ՆԱՏՕ-ի հետ կապված ծրագրերը

Ուկրաինայի արտաքին գործերի նախարար Դմիտրի Կուլեբան, բացման խոսքով հանդես գալով Գուանչժոուում չինացի գործընկեր Վան Յիի հետ բանակցություններից առաջ, հայտարարել է Եվրամիությանն անդամակցելու Ուկրաինայի մտադրության մասին, սակայն չի հիշատակել ՆԱՏՕ-ին անդամակցելու Կիևի նմանատիպ ծրագրերը:

«Վերջերս Ուկրաինան սկսեց բանակցությունները Եվրամիությանն անդամակցելու վերաբերյալ: Այս որոշումն անշրջելի է և՛ Ուկրաինայի, և՛ Եվրամիության համար, և ես այսօր առաջարկում եմ խոսել մեր երկկողմ հարաբերությունների մասին, այդ թվում՝ ԵՄ-ին Ուկրաինայի ապագա անդամակցության և Չինաստանի հետ հարաբերությունների մասին»,- ասել է Կուլեբան: Նրա ելույթի տեսանյութը հրապարակվել է Ukrinform գործակալության Telegram ալիքում։

2008 թվականի ապրիլին Բուխարեստում ՆԱՏՕ-ի գագաթնաժողովում դաշինքի երկրները խոստացան Ուկրաինային և Վրաստանին, որ «մի օր նրանք կդառնան ՆԱՏՕ-ի անդամներ»։ 2023 թվականի հուլիսին Վիլնյուսում ՆԱՏՕ-ի հռչակագրում Ուկրաինայի՝ դաշինքին անդամակցելու վերաբերյալ հստակություն չկար։

Հուլիսի 9-11-ը Վաշինգտոնում կայացել է ՆԱՏՕ-ի հերթական գագաթնաժողովը։ Նախօրեին դաշինքի գլխավոր քարտուղար Յենս Ստոլտենբերգը հայտարարել էր, որ դաշինքում այս պահին կոնսենսուս չկա Ուկրաինայի անդամակցության հարցում: