Ուկրաինայի ԱԳՆ-ն հաստատել է ՌԴ-ի հետ համապատասխան փուլում բանակցությունների իր պատրաստակամության մասին
Ուկրաինայի արտգործնախարար Դմիտրի Կուլեբան փաստացի ասել է Չինաստանի արտգործնախարար Վան Յիին, որ Կիևը պատրաստ է Մոսկվայի հետ բանակցությունների՝ համապատասխան փուլում։ Այս մասին ասվում է Ուկրաինայի ԱԳՆ մեկնաբանության մեջ։
«Դմիտրի Կուլեբան փոխանցել է Ուկրաինայի հետևողական դիրքորոշումը, որը վերաբերում է նրա պատրաստակամությանը համապատասխան փուլում բանակցային գործընթաց վարել ռուսական կողմի հետ, եթե Ռուսաստանը պատրաստ է բարեխղճորեն բանակցել»,- ասվում է գերատեսչության կայքում։
Ուկրաինայի ԱԳՆ ղեկավարի խոսքով՝ «այժմ ռուսական կողմից նման պատրաստակամություն չկա»։ Միեւնույն ժամանակ Մոսկվան բազմիցս հայտարարել է բանակցությունների պատրաստակամության մասին, նշում են ռուսական ԶԼՄ-ները։
Ուկրաինայի ԱԳՆ-ն նշել է, որ հակամարտության կարգավորման ուղիների որոնումը դարձել է Վան Յիի հետ բանակցությունների հիմնական թեման, իսկ Կուլեբան նշել է, որ անհրաժեշտ է դադարեցնել ուկրաինական հակամարտությունը, «վերականգնել խաղաղությունը և արագացնել պետության վերականգնումը»։
