ԼՂ-ից տեղահանված մեր հայրենակիցների առաջնային սպառողական ծախսերը հոգալու համար նախատեսել ենք նոյեմբեր և դեկտեմբեր ամիսներին տրամադրել 50 հազարական դրամ։ Այդ աջակցությունը պետք է տրամադրեինք դիմումների հիման վրա։ Եվ պայմանավորված արդեն իսկ ներկայացված դիմումների շահառուների թվով, առաջարկում ենք հատկացնել 2 մլրդ դրամ, որը կտրամադրվի 40 հազար շահառուի։ Այդ մասին Կառավարության այսօրվա նիստի ընթացքում ասաց ՀՀ աշխատանքի և սոցիալական հարցերի նախարար Նարեկ Մկրտչյանը։
Նրա խոսքով՝ ծրագրից կկարողանան օգտվել այն մարդիկ, որոնք 100 հազար դրամ միանվագ աջակցություն են ստացել։
«Ծրագիրը հասանելի չէ նրանց համար, որոնց բանկային հաշվին հոկտեմբերի 2-ի դրությամբ եղել է երկու միլիոն դրամից ավելի գումար, և այն մարդիկ, որոնք լքել են ՀՀ տարածքը, կամ բնակվում են հյուրանոց-հյուրատներում»,- ներկայացրեց նախարարը։
Մանրամասները՝ տեսանյութում։