Դաժան սպանություն է եղել. վարկածներ կան, կասկածյալ դեռ չկա․ դատախազը՝ Պեմզաշենի դեպքի մասին

Ինչպես ավելի վաղ հայտնել էինք՝ Շիրակի մարզի Պեմզաշեն գյուղում ողբերգական դեպք է տեղի ունեցել։

Համայնքի տներից մեկում այսօր հայտնաբերվել են 31-ամյա կնոջ և 2 երեխաների դիերը։ Մահացածներն են 31-ամյա Զարինե Մ-ն, 12-ամյա Կարինեն և 8-ամյա Սարգիսը, որոնց ամբողջական տվյալները ոստիկանությունն ու քննչական բաժինը պարզում են։

MediaHub.am-ի հետ զրույցում Շիրակի մարզի դատախազ Գուրգեն Գրիգորյանը փոխանցեց, որ հարուցվել է քրեական գործ Քրեական օրենսգրքի 155-րդ հոդվածի 1-ին՝ սպանություն՝ ապօրինաբար մեկ ուրիշին կյանքից զրկելը և 155 հոդված 2-րդ մասի 5-րդ աչափահասի սպանությունը կետերով։

Հարցին, թե կասկածյալներ կա՞ն, վերջինս պատասխանեց․ 

«Այս պահին ակտիվ քննչական գործողություններ են իրականացվում, ավելացնելու այլ բան չունեմ։ Կնոջ ամուսինը, մեր տվայլներով ՌԴ-ում է։ Դատավարական կարգավիճակով կասկածյալ չունենք։ Աշխատում ենք տեղում, բաներ կան, որ չենք կարող այս պահին բարձրաձայնել, ասելիք, որ ունենանք, կասենք, այս պահին տարբեր վարկածներ ենք քննարկում»։

Քիչ անց MediaHub-ը կներկայացնի բացառիկ մանրամասներ այս դաժան սպանությունից:

Լիաննա Թորոսյան