Առավոտյան հայտարարվեց, որ Կոմիտասի պողոտայում շտապբուժօգնության մեքենան վթարի է ենթարկվել: Վթարի մասնակից է եղել նաև Nissan մակնիշի ավտոմեքենան։
Mediahub-ը «Շտապբուժօգնություն» ՓԲԸ-ի տնօրեն Ռուբեն Գրիգորյանից հետաքրքրվեց, արդյո՞ք մեքենայում եղել է բուժառու, թե՞ ոչ։
Մեզ հետ զրույցում Գրիգորյանը նշեց, որ այո մեքենայում եղել է բուժառու, սակայն վթարից հետո այլ շտապօգնության մեքենայով են տեղափոխել նրան։
«Տեսագրությունը դեռ չեն բերել, որ տեսագրությունը բերեն, կնայենք, մեր հետևությունները կանենք։ Այժմ ինչ ունենք, դեռ բանավոր է»,- նշեց մեր զրուցակիցը։
Գրիգորյանի խոսքով՝ այս պահի դրությամբ վնասվածք ստացած անձ չկա, վթարից հետո որևէ մեկին հիվանդանոց չեն տեղափոխել։
Էմմա Մարտիրոսյան