Ուռուցքաբանները վերլուծել են 1։1 հիվանդի բժշկական տվյալներն ու նրանց սննդային սովորությունները և պարզել են, որ սուրճը կարող է օժտված լինել հակաքաղցկեղային հատկություններով։
Պարզվել է, որ սուրճի ամենօրյա գործածությունը կապված է հաստ աղիքի քաղցկեղի հետևանքով վաղաժամ մահվան հավանականության նվազման հետ։ Ընդ որում՝ արդյունքը կախված չէր ըմպելիքում կոֆեինի կամ առույգացնող որևէ այլ բաղադրիչի առկայությունից կամ բացակայությունից։
«Մենք առայժմ չենք կարող ասել, թե ինչով է պայմանավորված սուրճի դրական ազդեցությունը, սակայն այն հստակ նկատվում է վիճակագրական տվյալներում», - նշում են գիտնականները՝ հավելելով, որ չի կարելի հերքել նաև այն փաստը, որ օրական 3-4 բաժակ սուրճ խմելը նաև բարձրացնում է բուժման արդյունավետությունը։
Բժիշկների խոսքով՝ այս մթերքը պարունակում է մի շարք նյութեր, որոնք օժտված են խթանող, հակաօքսիդանտային ու հակաբորբոքային հատկություններով։ Հենց այս նյութերն էլ կարող են նման ազդեցության պատճառ հանդիսանալ։
Միևնույն ժամանակ մասնագետներն ընդգծում են, որ հարկավոր են դեռ հավելյալ հետազոտություններ, որպեսզի հնարավոր լինի պարզել, թե արդյոք ըմպելիքի օգտակարությունը գերազանցում է դրա վնասը։