Գաստրոէնտերոլոգը խոսել է այրոցի ժամանակ գազավորված ըմպելիքի վտանգավորության մասին
Այրոցը գազվորված ըմբելիքով ու ջրով բուժելը վտանգավոր է առողջության համար և կարող է հանգեցնել տհաճ հետևանքների։ Gazeta.Ru-ին ասել է գաստրոէնտերոլոգ Նատալյա Պանինան։ Նրա խոսքով՝ այս միջոցը կարող է փորկապություն առաջացնել և վնասել ստամոքսի լորձաթաղանթը, ինչը խնդրի լուծում չէ։
Ավելին, դա կարող է առաջացնել իրավիճակի վատթարացում, քանի որ ստամոքսի աղաթթվի հետ շփվելիս առաջանում է մեծ քանակությամբ ածխաթթու գազ։ «Սա էլ իր հերթին հանգեցնում է թթվի արտազատման ավելացման, առաջացնում է նրա ռեֆլյուքս դեպի կերակրափող, ստամոքսի լորձաթաղանթի վնասում, գազերի ավելացում և փորկապություն»,- նշել է գաստրոէնտերոլոգը։
Նա հավելել է, որ եթե հիվանդությունը հազվադեպ է անհանգստացնում մարդուն, և դրա համար կա կոնկրետ պատճառ, ապա հնարավոր է այն բուժել հակաթթվային դեղամիջոցների խմբի դեղամիջոցներով, որոնք կթեթևացնեն այրոցի ախտանիշները առանց կողմնակի ազդեցության։
«Եթե այրոցը կանոնավոր է, ապա ավելի խելամիտ կլինի խորհրդակցել բժշկի հետ, քանի որ այժմ մշակվել են թթվային հիվանդությունների բուժման օպտիմալ մարտավարություն, որն օգնում է կանխել լուրջ բարդությունները։ Գլխավորը ժամանակին բուժումն է»,- եզրափակել է Պանինան։
