Պուտինը երկարաձգել է Ռուսաստանում միգրանտների օրինականացման ժամկետը. ինչ է հայտնի

Ռուսաստանի նախագահ Վլադիմիր Պուտինը երկարաձգել է Ռուսաստանում անօրինական օտարերկրացիների և քաղաքացիություն չունեցող անձանց կողմից իրենց օրինական կարգավիճակը կարգավորելու կամ երկիրը լքելու վերջնաժամկետը մինչև 2025 թվականի սեպտեմբերի 10-ը։

ՌԴ նախագահի հրամանագիրը հայտնվել է իրավական ակտերի հրապարակման պորտալում։

Ավելի վաղ Ղրղզստանի արտաքին գործերի նախարարությունը հայտնել էր, որ Ռուսաստանում Ղրղզստանի դեսպան Կուբանիչբեկ Բոկոնտաեւի և ՌԴ նախագահի արտասահմանյան երկրների հետ միջտարածաշրջանային և մշակութային կապերի վարչակազմի ղեկավար Իգոր Մասլովի հանդիպումից հետո կերկարաձգվի Ռուսաստանում անօրինական բնակվող օտարերկրացիների կարգավիճակը կարգավորելու համար սահմանված ժամկետը՝ երկրում նրանց կարգավիճակը կարգավորելու համար։

Նախորդ հրամանագիրը պահանջում էր, որ միգրանտները կարգավորեն իրենց իրավական կարգավիճակը մինչև ապրիլի 30-ը, և Պուտինը այն ստորագրել էր 2024 թվականի դեկտեմբերին։ Փաստաթուղթը Ռուսաստանի միգրացիոն քաղաքականության խստացման շրջանակներում էր կազմվել, որը սկսվել էր անցյալ գարնանը։