Գլխացավը չափահաս մարդուն չպետք է անհանգստացնի ամիսը մեկ-երկու անգամից ավելի լինելու դեպքում, իսկ երեխան ընդհանրապես չպետք է ունենա, ասել է Ռուսաստանի վաստակավոր բժիշկ, պրոֆեսոր Ալեքսանդր Կոնկովը «Լենտա»-ին։
Բժշկի խոսքով՝ գլխացավը կարող է շատ վտանգավոր հիվանդությունների ախտանիշ լինել, հատկապես, եթե նման հիվանդությունը լինում է ամսական ավելի քան 15 անգամ։ «Եթե այս հիվանդության հետ մեկտեղ մարդու մոտ փսխում, մշուշոտ տեսողություն, թուլություն կամ թմրություն են նկատվում, պետք է անհապաղ դիմել բժշկի»,- զգուշացրել է Կոնկովը:
«Այս ախտանշանները կարող են վկայել ինսուլտի մասին, ուստի շտապ բժշկական միջամտությունը կարող է կյանք փրկել։ Նաև գլխի վնասվածքների դեպքում անհրաժեշտ է դիմել բժշկի»,- ասել է բժիշկը։
Կոնկովը զգուշացրել է, որ գլխացավը կարող է առաջանալ 12 ժամից ավելի գաջեթներ օգտագործելու պատճառով։ Սմարթֆոնի վառ էկրանն առաջացնում է աչքերի լարվածություն ու լրացուցիչ լարում տեսողության վրա՝ առաջացնելով գլխացավեր։
Կոնկովը հավելել է, որ նման դեպքերում մարդը հաճախ մոռանում է խմելու մասին, իսկ ջրազրկումը դառնում է տհաճության պատճառ։