«Ըստ ամենայնի` պայմանավորվածություն է եղել, որ ադրբեջանցիները հետ քաշվեն, այդ ամենը պետք է կազմակերպեր ռուսական խաղաղապահ զորքը, բայց ինչ որ գործողությունների արդյունքում ադրբեջանցիները հայտնվել են այնտեղ, որտեղ պետք է չհայտնվեին»,- այս մասին այսօր MediaHub.am-ի հետ զրույցում ասաց ՔՊ-ական պատգամավոր Արմեն Խաչատրյանը՝ անդրադառնալով Փառուխում տիրող իրավիճակին։

Նրա խոսքով՝ այս դեպքերը պետք է հետաքննվեն․ «Պետք է պարզաբանվեն, թե ինչու կարողացան ադրբեջանցիները խաբել և մանևրել ռուսական զորքին և ինչու ռուսական զորքը չկարողացավ կանգնեցնել այդ մանևրումը, ի՞նչ անհաղթահարելի ուժեր են եղել, որ ռուսական զորքը չի կարողացել կանգնեցնել։ Այս ամեը պետք է պարզաբանվի, այդ պարզաբանմանը սպասում եմ նաև ես»։

Խաչատրյանը չբացառեց նաև ռուսական 102-րդ ռազմաբազայի ներգրավումը Արցախում իրավիճակի կարգավորման համար․ «Որևէ բան չի բացառվում, եթե իրավիճակը սրվեց, այնտեղ կան խաղաղապահ զորքեր, բայց եթե խաղաղապահ զորքերի առջև դրված խնդիրները անհաղթահարելի լինեն՝ զուտ հարաբերակցության և ուժի տեսակետից, ապա, իհարկե, խաղաղապահ զորքերը ստանալու են օգնություն, բայց չեմ ուզում այս մի վարկածը շատ քննարկել, քանի որ ես ավելի հակված եմ, որ խնդիրը կլուծվի դիվանագիտական ճանապարհով»։

Մանրամասները՝ տեսանյութում