Աթոռին կապված ձեռքերով աղջիկը վախից գոռում է. «Սարսափների տուն» քվեստը Մախաչկալայում, որտեղ երկու աղջիկ էին մահացել։
Ներկայացման ժամանակ տուժողներից մեկին կապել էին․ հնարավոր է, որ նա նստած է եղել հենց այս նույն աթոռին։ Քվեստի դերասանը որոշել է կրակ ավելացնել շոուի մեջ, բայց չի հաշվարկել իր ուժերը. հրդեհ է բռնկվել, որից երկու երիտասարդ աղջիկ մահացել են, իսկ մի տղա վիրավորվել է։ Նաև, դատելով տեսանյութից՝ քվեստի սենյակը զարդարված է փայտերով, ուստի կրակը շատ արագ է տարածվել:
Երբ հրդեհը բռնկվել է, տուժածներից մեկը փորձել է արձակել ընկերուհու կապանքները, սակայն ծանր այրվածքներ է ստացել։ 19-ամյա Ասիյաթն ու 25-ամյա Մադինան տեղափոխվել են հիվանդանոց։ Նրանց փրկել չի հաջողվել։ Ասիյաթը ՌԴ Հանրապետական մանկական ստոմատոլոգիական կլինիկայի գլխավոր բժշկի դուստրն է։
Նրա ամուսինը՝ 20-ամյա Սաիդը, վերակենդանացման բաժանմունքում է՝ մարմնի 50%-ի այրվածքներով։ Մադինայի մարմինն այրվել էր 97%-ով։
Քվեստի համասեփականատեր Հուսեյն Իբրահիմովը բերման է ենթարկվել ու հարցաքննվել։
Տեսանյութերն ու լուսանկարներն այստեղ