Փետրվարի 28-ի գիշերը Կիևը փորձել է անօդաչու սարքեր օգտագործել Կրասնոդարի երկրամասի և Ադիգեայի քաղաքացիական ենթակառուցվածքների վրա հարձակվելու համար։ Այս մասին հայտնում են ՌԴ պաշտպանության նախարարությունից, փոխանցում է ՌԻԱ Նովոստին։ Ինչպես նշել են ՌԴ պաշտպանության գերատեսչությունում, ուկրաինական անօդաչու թռչող սարքերը խոցվել են ՌԴ ԶՈւ էլեկտրոնային պատերազմի ստորաբաժանումների կողմից։
ՌԴ պաշտպանության նախարարության տվյալներով՝ երկու անօդաչու թռչող սարքերն էլ կորցրել են կառավարումը և շեղվել թռիչքի ուղուց։
«Մի անօդաչու թռչող սարքն ընկել է դաշտում, մեկ այլ անօդաչու թռչող սարք, շեղվելով հետագծից, չի վնասել գրոհի ենթարկված քաղաքացիական ենթակառուցվածքը»,- ասվում է ՊՆ-ի Telegram-ի ալիքում։
Տեսանյութն՝ այստեղ