Եվրոպական սեյսմոլոգիական կենտրոնի տվյալներով՝ Թուրքիայի կենտրոնական հատվածում, թարմացված տվյալների համաձայն, 4,0 մագնիտուդ ուժգնությամբ երկրաշարժ է տեղի ունեցել։
Սկզբում կենտրոնը հայտնել էր, որ երկրաշարժի ուժգնությունը կազմել է 5,6 բալ։ Երկրաշարժը գրանցվել է UTC 16.59-ին (Մոսկվայի ժամանակով 19.59-ին): Ստորգետնյա ցնցումների էպիկենտրոնը գտնվել է մեկ միլիոնից ավելի բնակչություն ունեցող Կայսերի քաղաքից 16 կիլոմետր դեպի արևմուտք։ Օջախը ընկած էր 10 կիլոմետր խորության վրա։
Հնարավոր զոհերի կամ ավերածությունների մասին տեղեկություններ չկան։