Պե՞տք է օրը սկսել մեկ բաժակ ջրով. օգտակար է այն, թե ոչ
Առողջ ապրելակերպի որոշ կողմնակիցներ առաջարկում են ջուր խմել դատարկ ստամոքսին` արթնանալուց անմիջապես հետո` ուտելուց առաջ: Ակնկալվում է, որ այս սովորությունը կօգնի ձեզ արթնանալ, ակտիվացնել նյութափոխանակությունը, բարելավել մարսողությունը, նիհարել և այլ օգուտներ բերել օրգանիզմին։ Բայց արդյո՞ք դա այդպես է, և արդյոք նման ընթացակարգը կարող է վնաս պատճառել: Դիտարկենք ամենատարածված հայտարարությունները.
Քաշի կորուստ. մասամբ ճիշտ է
Առավոտյան և ընդհանրապես ցանկացած կերակուրից առաջ ջուրը օգնում է ձեզ ավելի քիչ ուտել, նվազեցնում է սպառված կալորիաների քանակը, ինչը նշանակում է, որ այն օգտակար կլինի նրանց համար, ովքեր պլանավորում են նիհարել:
Նյութափոխանակության արագացում. առասպել, ազդեցությունը կասկածելի է
Մեկ այլ վարկած վերաբերում է այն տարածված տեսակետին, որ առավոտյան սառը ջուրը կարող է ակտիվացնել նյութափոխանակությունը, կարգավորել այն՝ արդյունավետորեն այրելու կալորիաներն ու ճարպային պաշարները: Եվ դա շատ ավելի լավ է, քան տաք:
Իրոք, որոշ ուսումնասիրություններ հաստատում են այս փաստը. նման ուսումնասիրություններից մեկի ժամանակ սառցե ջուր խմելը ավելացրել է այրված կալորիաների քանակը 4,5%-ով։
Դետոքսիկացիա. առասպել
Մեկ այլ պատճառ, թե ինչու մարդիկ որոշում են առավոտյան դատարկ ստամոքսին ջուր խմել, տոքսինների հեռացումն է և մաքրելը:
Սա ոչ այլ ինչ է, քան տարածված առասպել, որի շուրջ շահարկումները թույլ են տալիս կրկին ու կրկին գումար վաստակել դյուրահավատ հաճախորդների վրա: Տոքսինների հեռացման ընթացակարգերը ոչ միայն անօգուտ են, այլ որոշ դեպքերում, եթե խոսում հաստ աղիքի հիդրոթերապիայի մասին է, դրանք կարող են վնասակար լինել:
Բայց եկեք վերադառնանք ջրին: Եթե օգտագործենք այլ տերմիններ՝ կենսաբանական և գիտական, ապա ջուրը կարևոր է երիկամների և ամբողջ արտազատման և մարսողական համակարգի նորմալ աշխատանքի համար։
Օրգանիզմում հեղուկի պակասը կարող է հանգեցնել այս օրգանների աշխատանքի խաթարմանը, օրինակ, փորկապության կամ այտուցի: Բայց նույնիսկ այս դեպքում անհրաժեշտ է հեղուկ օգտագործել օրվա ընթացքում, այլ ոչ թե այն խմել առավոտյան՝ հիմնական կերակուրից առաջ։